“جماعة الناظور” المسؤول الاول على عدم اخراج مشروع ملعب جماعي للناظور لحيز الوجود
سبور ناظور : محمد الوردي
“جماعة الناظور” خاصها تكون “حاملة للمشروع” ودير نقطة للنقاش فاحد دوراتها وتستدعي البرلمانيين وممثلين عن كل من وزارة التعليم والرياضة / وزارة التجهيز / وكالة مارتشيكا / مجلس الجهة / الجامعة الملكية المغربية لكرة القدم / عمالة اقليم الناظور / المجلس الاقليمي / وزارة الداخلية باش يلقاو حل لانجاز هاد الملعب.
“جماعة الناظور” خاصها تبدا ونشوفو فين نساليو ونعرفو شكون كيعرقل انجاز ملعب كرة قدم يليق باسم الناظور وتاريخ الهلال والفتح، ايلا مابداتش ومابغاتش تجبد هاد الموضوع يعني هي المعرقل الاول لانجاز هاد الملعب وهي لي مابغاتش يكون عندنا ملعب جماعي فالمستوى راه مايمكنش المغرب كامل كيشهد بناء ملاعب جديدة وتوسيع ملاعب اخرى واصلاحات الا الناظور الاستثناء الوحيد، الرباط بوحدها 5 ملاعب فخطرة وحدة معندنا حتى واحد منهم واغلبهم تهدمو وكيتبناو من جديد.
“جماعة الناظور” مدعوّة لاظهار حسن النية والبدأ بالخطوة الاولى والا فجميع اسهم الاتهام ستُوجه اليها.
⚠️ ملاحظة: منشوري واضح جدا وانا كنهضر على ملعب جماعي او بلدي بسعة ديال قرابة 25 الف متفرج مكنهضرش على مركب رياضي اقليمي كبير باش شي وحدين مايحوروش الموضوع كالعادة.
⚠️ الصورة مخدومة بالذكاء الاصطناعي لجذب الانتباه لاغير
