أثارت جملة كتبها عبد الرزاق حمد الله، مهاجم المنتخب الوطني وفريق أولمبيك آسفي، على “الفايسبوك”، تعليقات ساخرة من طرف رواد موقع التواصل الاجتماعي، الذين سخروا من فرنسية مهاجم أسود الأطلس.
ومن غريب الصدف أن حمد لله كتب التعليق وهو يستعد للتوجه إلى فرنسا، قبل الوصول إلى جوهانسبورغ للمشاركة في نهائيات كأس إفريقيا المقامة في جنوب إفريقيا.
“عطيوني الفيزا والباسبور … من كازا لجنوب إفريقيا”، هاذ الأغنية ديال الستاتي غناوها، اليوم الأربعاء (2 يناير)، جوج لعابة من المنتخب الوطني.
المهدي النملي، لاعب المغرب التطواني، وعبد اللطيف نوصير، لاعب المغرب الفاسي، ما مشاوش مع المنتخب الوطني لفرنسا بسبب أخطاء إدارية خلاتهم بلا فيزا وبلا باسبور. مصدر مسؤول في الجامعة أكد لموقع دوزيم لايف أن النملي ونوصير ما خداوش الفيزا باش يدخلوا لفرنسا لأن النملي لقى الباسبور ديالو قرب يسالي وبقات فيه غير 3 أشهر ونص، وخصو يجددو باش ياخد الفيزا، أما نوصير فالفيزا ديالو مازال ما وجداتش لأن الجامعة طلباتها بشكل متأخر بعدما استدعاه الطاوسي بشكل طارئ لتعويض الغياب الاضطراري ديال يونس بلخضر. إيوا آش هاذ الارتجالية؟
الطاوسي خرج الورقة الحمراء فوجه السماسرية اللي كيدورو بجناب المنتخب الوطني.
مصادر مطلعة قالت لموقعنا إن الجامعة وافقت على طلب من الطاوسي بالتعاقد مع شركة للأمن الخاص غادية تكلف مجموعة من العناصر بحماية بعثة المنتخب المغربي بعد وصولوها إلى جنوب إفريقيا، وبإبعاد السماسرية عن اللاعبين باش يحميوهم من التشويش والبلبلة اللي قال الطاوسي أن بعض السماسرية كيخربو بيها التركيز ديال “أسود الأطلس”.
